Профессионалон дæсныдзинады чемпионат “Профессионалы”-йы æвзарæн къæпхæны Цæгат Ирыстоны сæмбырд уыдзысты 130 архайæджы 56 регионæй. Уый тыххæй фехъусын кодта Сергей Меняйло. Фæсивæд тох кæндзысты финалмæ рацæуыныл, æвдисдзысты, æцæгæй дæр фидæны дæснытæ кæй сты, уый.
Æдæппæтæй дзы ис кары дыууæ категорийы: Бындурон – астæуккаг профессионалон ахуырады студенттæ æмæ юниортæ – скъоладзаутæ. Компетенцитæ сты алыхуызон: “Агуыридуртæ амайын”, “Хъæддæсныйы куыст” “Сити-фермерство” æмæ, æнæмæнг, се ‘ппæтæн уарзон “Ирон чъиритæ фыцын”-ы. Сæргълæууæг фæнысан кодта, чемпионат “Профессионалы” æрмæст конкурс нæу.
Уый у фидæны дæсныйад равзарынæй фыццаг æнтыстдзинæдтæм фæндаг. Фадат дæтты кусæг дæсныйæдты стыр ахадындзинад равдисын, сæ кад сын раздахын. Уымæй уæлдай та ма кусджытæ бынаты аргъ скæнынц фидæны специалистты арæхстдзинадæн. Уымæн сын æххуыс у нацпроект “Фæсивæд æмæ сывæллæттæ”.
