Медицинон хауӕццӕгтӕ кӕм не ‘мбӕлы, уыцы рӕтты. Цæгат Ирыстон дӕр, иннӕ регионтӕй уӕлдай, нӕ фӕивддзаг ацы хъуыддаджы.
Регоператор «ЭРА»-йы специалисттæ æппынæдзух сæмбæлынц сæ куысты ахæм лыггæнинаг фарстаимæ. Утилизацийы бæсты медицинон гæрзтæ сæрмагонд контейнеры нæ ныппарынц, фæлæ, цардыуагон бырæттæ кæм æмбырд кæнынц, уырдæм сӕ калынц. Уыцы гæрзтæ æххæст вæййынц маргджын æмæ радиоактивон хъацæнтæй. Сæ бон у адæймагæн зиан æрхæссын дӕр. Иумæйаг бырондонмæ куы бахæццæ вæййынц, уæд та дзы зæххы мæр дæр фæхъæстæ вæййы. Уыимæ, зæххы бын цы дæттæ цæуынц, уыдон дæр.
