Ахуырады фæдыл аттестат, паспорт, къамтæ æмæ æндæр документтæ. Исæн кампанийы секретарь абитуриенттæн амоны алы лыстæгдзинад дæр. Икъоты Лизæйы фæнды программист суæвын. Йæхи цæттæ кодта 7-æм къласæй фæстæмæ. Математикæйæ фæлварæнæй райста 4. Дзæуджыхъæуы электроникæйы колледжы тыххæй базыдта йе мбæлттæй. Дæсныйад равзæрста йæхæдæг.
Дзæуджыхъæуы электроникæйы колледжы ацы аз ис 250 бюджетон бынаты. 280 курдиатæй фылдæр ныридæгæн балæвæрдтой. Иуæй-иу здæхтытæм гæсгæ бынаты хъæуы мидæггаг фæлварæнтæ раттын. “Программæтæ аразыны” дæсныйад абитуриентты ‘хсæн у парахатдæр, исынц æм паддзахадон фæлварæнты бæрæггæнæнтæм гæсгæ. Колледжы ма фæзынд ног здæхт.
Ног здæхт “Хъæдæрмæджы куысты технолги” та ис Дзæуджыхъæуы бирæвæрсыг техникумы. Ис дзы конкурс, иу бынатмæ — дыууæ адæймаджы. Исæн кампани цæуы æнтыстджынæй, ныридæгæн райстой 450 курдиаты. Парахадæр здæхтыты ‘хсæн ахуырадон кластер “Туризм æмæ лæггæдтæ”.
Проект “Профессионалитет”-ы руаджы астæуккаг ахуырад райсæн ис республикæйы 19 колледж æмæ техникумы. Равзарæн ис 70 дæсныйадæй.
Колледжтæ æмæ техникумтæм исæн кампани ацæдзæн 15-æм августы онг. Документтæ бадæттæн ис Паддзахадон лæггæдты порталы уылты дæр.
