Хæрзхъæд æмæ æдас транспорт у, нæ республикæйы разамынд йæ размæ цы ахсджиаг нысæнттæ æвæры, уыдонæй иу. Æрæджы нæ регионмæ æрхæццæ сты 65 ног автобусы. Мартъийы та ма сæм бафтдзæн ноджы дыууæ. Уыдонæй 40 сты уæрсейæгтæ, 27 та – китайаг. Ахæм егъау ногдзинæдтæ къабазы рагæй нæ уыд.
Ног автобусты ис автоматикон дуæрттæ семæ ма дзы фæзыны къæпхӕнтӕ. Уымæй уæлдай мы дзы фæндаггаг бафидынæн ис сæрмагонд терминал. Афтæмæй дуары цур адæм бирæгæйттæй нал æмбырд кæндзысты. Уæдæ шофыртæ дæр фæндаггон змæлдæй нæ иппæрд кæндзысты, уыдзысты лæмбынæгдæр. Хæдтулгæты ис фæлмæн бадæнтæ. Æмткæй райсгæйæ, сты 30. Бандæттыл ис æдасдзинады рæттæ. Бæлцæттæн сты æнцонвадат, иу бынатæй иннæ бынатмæ балцгæнгæйæ не` стыхсдзысты. Уый та фæскуыст, фæлладæй, уæлдай удæнцой у. Уымæй уæлдай-ма дзы мидæгæй ис видеоцæстдарды системæ, тахографтæ, ӕфтыд сты глонассы системӕмӕ. 40 автобусы та дзы ис Уæрæсейы автомобилон кондадæй. Машинæты маркæ «Вектор NEXT». Уыдон балц кæндзысты Цæгат Ирыстоны куыд хъæуты æхсæн, афтæ горæтты æхсæн дæр. Уæвгæ, ахæм ногдзинæдтæй сæ зæрдæтæ барухс сты куыд шофыртæн, афтæ бæллццæттæн дӕр.
Уæдæ китайаг Higer машинæтæн сӕ сæйраг нысан у бæллццæтты дард ранмӕ ласын. Æмткæй райсгæйæ, сты 27. Уыдоны куыд мидæгæй, афтæ æддейæ дæр ис сæрмагондæй хæссинæгтæн бынæттæ. Æххæст сты рухсгӕнӕн лампӕтӕй, ис дзы уæлдæф сыгъдæггæнæнтæ, уазалгæнæн, уыимæ, шофырæн йӕ бон æрулæфын кæм у, ахæм сæрмагонд бынат. Цæмæй бæллццæттæн æнкъард ма уа, уый тыххæй сын дзы ис телевизортæ. Æдæппæтæй дзы цæуы 53 бадæн бынаты. Балцытæ Ростовмæ, Краснодармæ, Волгоградмæ. Уæвгæ, хыгъд ууыл нæ фæвӕййы.
Ног æмæ нырыккон домæнтæн дзуапп чи дæтты, ахæм транспорт дзæвгар фæрогдæр кæндзæн бæлццæттæн сæ цард. Фыццаг автобустæ фæндагмæ рацæудзысты афæдзы кæрон.
