Республикæйы бюджеты æфтиæгтæ фидæны аз уыдзысты фæндзай дыууæ миллиарды сæдæ æхсай æхсæз милуан сомы, хæрдзтæ — иу миллиард сæдæ цыппор авд милуаны фылдæр. Уый тыххæй Цæгат Ирыстоны парламенты цыппор æхсæзæм æмбырды фехъусын кодта регионы финансты министры хæстæ рæстæгмæ æххæстгæнæг Оксана Карова. Хъалонты æмæ æнæхъалонты æфтиæгтæ уыдзысты дыууын дыууæ миллиарды авд сæдæ æвдай дыууæ милуан сомы, æнæфидгæ æфтиаг чысыл къаддæр — дыууын дыууæ миллиарды æртæ сæдæ нæуæдз цыппар милуаны. Хæрдзтæй ахуырадмæ хауы 28,7%, социалон политикæмæ — 28,5%, национ экономикæ — 14,5% бæрц, æнæниздзинадхъахъхъæнынад — 8%. Мыздæн хъуамæ снысан кæной æстдæс миллиарды дыууæ сæдæ цыппор æхсæз милуан сомы. Дыууæ мин дыууын æхсæзæм æмæ дыууæ мин дыууын æвдæм дыууæ мин дыууын æстæм азты пъланон рæстæгмæ бюджеты проектмæ хаст æрцыд дыууын æхсæз паддзахадон программæйы. Ирон адæмы национ-культурон рæзты программæйæн та рахай кодтой иуæндæс милуаны фондз сæдæ мин соммæ ‘ввахс.
