Республикæйы цæрджытæ хæссынц дидинджытæ Хъолайы цъитийы аммæттæгты номыл цыртдзæвæнмæ

Цæгат Ирыстоны мысынц Хъолайы цъитийы амæттæгты. Сæ номыл арæзт монументыл æвæрынц дидинджытæ. Мадзалы архайдта хицауады сæрдар Дзанайты Барис, уыимæ æхсæнадон организациты минæвæрттæ æмæ студенттæ. 20 сентябры 20 азы размæ  Гæналдоны комы ратыдта Хъолайы цъити æмæ йæ разæй ахаста Уæллаг Хъæрмæдон. Æдæппæтæй дзы чи фæмард æмæ кæй нал ссардтой, уыдоны нымæц у 120-йæ фылдæр. Уыдоны ‘хсæн — театр «Нарты» -йы артисттæ æмæ режиссёр Сергей Бодров йæ киноисæн къордимæ. Цалдæр минутмæ Хъола фехæлдта цæрæн хæдзæрттæ, санаторийтæ, фæлладуадзæн бынæттæ.  Дуримæ хæццæ цъити цыд, куыд банымадтой, афтæмæй уыд 200 тагъдадимæ  км сахатмæ.