Цардыл цин кæнын, йæ алы фæзилæнæй дæр пайда кæнын æмæ цымыдисаг мадзæлтты архайын. Ам ацæргæ адæм иу ран бадын нæ уарзынц. Сæ боны фæткы иу уæгъд минут дæр нæй. Цалынмæ иутæ ивгъуыды цаутæ мысынц, уæдмæ иннæтæ сæхи эскизтæм гæсгæ уæдæрæсыл нывæфтыдтæ кæнынц. Удæнцой æмæ зæрдæмæдзаугæ уавæртæ. 84 аздзыд Нина Кудряшевайы фидарæй уырны, разæй сæм бирæ æхсызгон цаутæ кæй æнхъæлмæ кæсы, уый. Сылгоймаг бирæ азты бакуыста музыкалон скъолайы. Хъуыды дæр ыл никуы акодта пенсимæ рацæугæйæ афтæ бирæ хæлæрттæ кæй ссардзæн, ууыл.
Уæлмонц æнкъарæнтæ æмæ зæрдæмæдзæугæ архайд ам алчидæр ссардзæн. Нæ сфæлдыстадон къорд уымæн уыд æвдисæн. Ацæргæ адæмимæ арвыстой æнæхъæн бон. Сæ балц райдыдта Мæздæджы æфсæддон Намысы бынатæй. Фыдыбæстæйы Стыр хæсты истори æмæ хъайтарты сгуыхтдзинæдты тыххæй сын радзырдта агурæн хайады разамонæг Махмади Даулетов. Дæс азæй фылдæр агуры хæсты архайджыты стæгдартæ, цæмæй сæ уый фæстæ æфсæддон æгъдауимæ баныгæной. Махмади æппынæдзух карджын æмæ æрыгон адæмæн саразы патриотон мадзæлттæ.
Хистæр кары адæм стыр æргом здахынц спортмæ. Æрвылбон тезгъо кæнынц. Сæ алы фезмæлд дæр иумæ. Афтæ хъæлдзæгдæр у, зæгъынц хистæртæ. Физкультурæйы фæстæ пенсиисджытæм фæзыны фылдæр тыхтæ.
Национ проект “Бинонтæ” федералон проект “Хистæр фæлтæр” æххæст кæнгæйæ республикæйы районты сарæзтой активон къордтæ хистæртæн. Социалон лæггæдты центры специалисттæ æппынæдзух архайынц хистæртæн сæ улæфты рæстæг сцымыдис кæныныл. Сæ цард сын ирд ахорæнтæй фæхъæздыг кæныныл.
Ныртæккæ карджын адæмæн аразынц æртæ цымыдисаг мадзалы. Динимæ баст, зонадон æмæ спортивон туризм. Æмæ æрвылбон пенсионерты ‘хсæн парахат кæнынц.
