Æнæниздзинадæн зиан цы хæссы, уымæй рæзгæ фæлтæры бахъахъхъæнын. Ахæм нысанимæ «Роспотребнадзор»-ы республикон управленийы кусджытæ саразынц тамакойы дуканиты басгæрст. Домæнтæ бирæ сты æмæ сæ иууылдæр не ‘ххæст кæнынц. Амалхъомтæ уал профилактикон рагфæдзæхстæй аирвæзтысты. Нысангонд аиппытæ куы нæ аиуварс кæной, уæд æрцæудзысты иваргонд. Нæ уацхæсджытæ радзурдзысты бæлвырддæр.
Ацы тамакойы дукани ис сывæллæтты рæвдауæндон æмæ Хæххон-металлургон институтмæ хæстæг. Закъонмæ гæсгæ та ахæм дуканитӕ ахуырадон уагдæттæй хъуамæ, æппын къаддæр, уой сæдæ метрӕй дарддӕр. Уый та ууыл дзурæг у, æмæ ам ахæм продукции уæй кæнынӕн бар кӕй нæй. Æмæ уый иунæг домæн нæу.
Æмæ кæд тамакойы къоппытæ ирд æмæ алыхуызон сты, уæддæр дзы, æнæиздзинад чи нæ хъыгдары, ахæм иу дæр нæй. Знаггадхæссæг ахуырæй хи бахъахъхъæнын зын у. Домæнтæм гæсгæ, электрон тамакотæ хъуамæ уæй кæной æнæ графикон хуызтæ æмæ нывтæй. Цæмæй сæм фæсæвæд дæр сæ хъус ма дарой. Уагæвæрд дуканитӕ куыд æххæст кæнынц, уымæ æппынæдзух кæсынц бæрнон кусджытæ.
Ахæм рейдтæ фæлхасгæнджытæм цæстдарды управленийы кусджытæ аразынц æппынæдзух. Сæйраг нысан — æнахъом сабиты бахъахъхъæнын æнæниздзинадæн зианхæссæг ахуырæй. Нырма уал куыст цæуы профилактикон хуызы. Тамакойы дуканиты хицæуттæ хъуамæ нысангонд аиппытæ аиуварс кæной. Науæд сæм радон басгæрсты фæстæ æнхъæлмæ кæсдзæн ивар.
