Медицинон кусджытæн уæлæмхасæн социалон фиддонты тыххæй дзырдтой республикæйы парламенты Советы æмбырды. Амыдта йæ фыццаг вице-спикер Тхостаты Мурат.
Ныхас цæуы медицинон кусджытæй компенсаци чи райста æмæ хъæуы 5 азы чи нæ бакуыста, фæлæ æфсæддон службæйы фæдыл ивгъуыд азы 24-æм февралæй 21-æм сентябрмæ контракт чи бафыста, уыдоныл. Службæйы фæстæ æртæ мæймæ фæллойадон ахастдзинæдтæ кæимæ фехӕлдтой, уыдонæн ис фиддон фæстæмæ мауал раттыны бар.
Парламентаритæ сразы сты Брянскы облæсты думæйы фæсидт премьер-министр Михаил Мишустинмæ. Дзырдтой ма сабиты æмæ гражданинты ахуырадон бартыл. Ныхас цæуы æфсæддон службæмæ кæмæ фæсидтысты æмæ сæрмагонд æфсæддон операцийы чи архайы, уыдоныл. Федералон закъоны проекты фарс дæр рахæцыдысты.
