Цæгат Ирыстоны сæргълæууæджы хæстæ рæстæгмæ æххæстгæнæг Сергей Меняйло архайдта Самарæйыл 435 азы æххæст кæныны бæрæгбоны мадзæлтты.
Горæты бындурæвæрæджы цыртдзæвæныл дидинджытæ сæвæргæйæ, Сергей Меняло бабæрæг кодта «Парк дружбы народов» зæгъгæ, этнокультурон комплекс. «Адæмты хæлардзинады Парк» æрбынат кодта 12 гектарыл. Ис дзы 20 национ хæдзары æмæ кæрты. Се ‘хсæн узбекаг юртæ, уырыссаг рагон хæдзар, стæй ирон хæдзар йæ кæрты та мæсыг.
Мæсыджы арæзтадæн дуртæ ласт æрцыдысты Хуссар Ирыстоны хæххон цæугæдæттæй. Егъау комплексы арæзтады разӕнгардгӕнджытӕй иу – Хуыгаты Ростислав. У Самарæйы облæсты адæмыхæттыты цæдисы сæрдар.
Аивгонд кæртытæ сты алы адæмыхæтыты традицитæ æмæ уагвæрды æвдисæн. Комплексæй уæлдай Самарæйы фæнд кæнынц национ чиныгдон, æрмадзтæ æмæ интерактивон фæзуаттæ байгом кæнын. Цæудзысты дзы дæсныйадæвдисæн ахуыртæ, экскурситæ, концерттæ æмæ равдыстытæ.
