Цæгат Ирыстоны 2030-æм азмæ фæзындзæн 15 ног футболон командæйы. Уый тыххæй регионы сæргълæууæг Битарты Вячеслав дзырдта Цæгат Ирыстоны футболы Федерацийы сæрдар Игорь Зазроевимæ.
Уæрæсейы футболон Цæдис, нæ бæстæйы спорты министрад æмæ республикæйы футболы федераци бафыстой æмгуыстады бадзырд. Документ æххæст кæндзысты «Футболы рæзты æппæнацион стратеги» æмæ «Спорт – норма жизни», зæгъгæ, федералон проектты фæлгæты. Ног командæтæй уæлдай арæзт æрцæудзæн 20 ног инфраструктурон объекты. Се `хсæн футболон манеж, мини-футболы фæзуæттæ æмæ футболæй хъазынæн фæзтæ.
Уымæй уæлдай Цæгат Ирыстоны фæзындзæн мини-футболæй хъазынæн 14 спортивон залы, цалцæггонд æрцæудзæн мин æмæ `рдæг бынатæн дыууæ стадионы. Хицауады пресс-службæйы хъусынгæнинагмæ гæсгæ, спортивон ерысты нымæцыл уый руаджы зынгæ бафтдзæн.
