Онкологон низ чи рабæрæг кæна, уыцы дохтырты фиддонтты тыххæй Цæгат Ирыстонæн рахай кæндзысты 3 милуан сомы. Уый тыххæй бардзырд бафыста нæ бæстæйы хицауады сæрдар Михаил Мишустин.
Æмбарынгæнæн гæххæтты куыд загъд цæуы, афтæмæй ахæм фиддонтæ дохтыртæ исынц 2020 азæй фæстæмæ. Диспансеризаци кæнæ профæркасты рæстæг медицинон уагдоны дохтыртæ низ цал хатты рабæрæг кæной, уал ахæм цауӕн уагдонмæ æрвыст цæудзысты æхцайы уæлæмхасæн фæрæзтæ. Уый фæстæ сæ хæццæ кæндзысты, низ чи рабæрæг кодта, уыцы дохтыртæм.
