Сергей Меняйло архайдта «Ахуыргæнæг æмæ хъомылгæнæджы бынат æмæ кады тыххæй» фарстайы фæдыл паддзахадон советы æмбырды. Мадзал амыдта Уæрæсейы президент Владимир Путин.
Уый бафиппайдата, бынæтты пъланмæ гæсгæ цы мадзæлттæ уыд, уыдон æххæстгонд кæй æрцыдысты, стæй бахатыд ахуыргæнджытæ æмæ ныййарджытимæ иумæ лыггæнинаг фарстатыл кусын. Се ‘хсæн: ахуыргæнджытæм цы куыст нæ хауы, уымæй сæ суæгъд кæнын; кълæсты разамонджыты хæстæ сбæлвырд кæнын; ахуырады системæмæ æрыгон, куыстуарзаг æмæ курдиатджын фæсивæды, профилон уæлдæр ахуыргæнæндæтты рауагъдонты хонын æмæ сæ кусынмæ разæнгард кæнын.
Ноджы иу вазыгджын фарста ма – мызд фидыны системæ фæхуыздæр кæнын. Президент æмбырды архайджыты зæрдыл æрлæууын кодта, 2012-æм азы педагогты мызд алы регионы мæймæ астæуккаг æфтиæгты бæрæггæнæнты онг фæфылдæр кæныны уынаффæ хаст кæй æрцыд, уый. Уый æруаджы ахуыргæнæджы куысты кад дæр зынгæ схызт.
