Сергей Меняйло бабæрæг кодта зындгонд уæрæсейаг журналист Александр Малькевичы къамты равдыст. «Освобождённые территории. Война и мир глазами очевидца», зæгъгæ, схуыдта йæ экспозици зындгонд уæрæсейаг журналист, Уæрæсейы æхсæнадон палатæйы информацион æмæхсæнады райрæзты сæрдары хæдивæг Александр Малькевич. Йæ къамты равдыст абон байгом Дзæуджыхъæуы. Æдæппæтæй 50 куыстмæ хæстæг. Æвдыст дзы цæуы, ивгъуыд аз Уæрæсемæ цы ног регионтæ бахызт, уыдоны цард. Сергей Меняйло авторæй разыйæ баззад.
«Ацы къамтæ хуымæтæг не сты. Æвдыст дзы цæуы историон цауы рæстдзинад. Адæм хи цæстæй цы цаутæ федтой, уыдон. Ацы къамты фенæн ис раст информаци. Александр Малькевичы хуызæн журналисттæн мæ фæнды зæгъын бузныг», – загъта Сергей Меняйло.
