Сергей Меняйло бахаста карантины мадзæлттæ фæкарздæр кæныны хъæппæрис. Уый баст у æвзæр эпидемиологон уавæримæ. Оперативон Штабы æмбырды республикæйы сæргълæууæг Уæрæсейы фæлхасгæнджытæм цæстдарды управленийы разамонæг æмæ æнæниздзинад хъахъхъæнынады министры хæстæ рæстæгмæ æххæстгæнæгæн бабар кодта фарстайыл бакусын.
Тыбылты Аланы ныхæстæм гæсгæ сывæллæтты ‘хсæн ковид рынчынты нымæц дæр фылдæр кæны. Вакцинаци куы райсæм, уæд къуыримæ прививкæтæ скодтой 4 мин адæймаджы. Тагъд æххуысы клиникон рынчындоны, СПИД-корпусы бындурыл коронавирусæй рынчынтæн фæзындзæн уæлæмхасæн бынæттæ. Вице-премьер Александр Реутовы ныхæстæм гæсгæ, туаггуыр рынчындæттæм хæццæ кæны æнæ къуылымпытæй.
Цæгат Ирыстонмæ æрбаластой ковид раиртасынæн экспресс-тесттæ. Сæ иу хай ратдзысты тагъд медицинон æххуысы уагдæттæн. 60 азæй хистæр цæрджыты категорийæн та фæнд кæнынц сæрмагонд тестировани саразын.
