820 милуан сомы Цæгат Ирыстонæн рахай кæндзысты сывæллонджын бинонтæн. Уыдонæй 631 милуан æмæ 200 мин сомы 3 азæй 7 азы кары онг сывæллæттæ цы бинонты хъомыл кæнынц, уыдонæн. 190 милуан æмæ 300 мин сомы та бирæсывæллонджын бинонтæн.
Сæрмагонд бадзырд бафыста премьер-министр Михаил Мишустин. Фæнысан ма кæндзыстæм, уый æмæ 3 азæй 7 азы кары онг сывæллæттæн æрвылмæйон фиддон снысан кæндзысты бинонтæй алчидæр мæймæ регионы цæрынæн æппынкъаддæры бæрцæй фылдæр куы нæ иса, уæд.
