«Кристалл»-ы фарстайы фæдыл ма Цæгат Ирыстоны сæргълæууæг Сергей Меняйлойæн абон уыд сæрмагонд кусæг фембæлд куыстуаты директорты советы уæнг Владимир Матюшкоимæ. Æрдзырдтой республикæйы хæрзхъæд æрхуыйы рауагъдады фарстатыл.
Куыд рабæрæг, афтæмæй заводы цалцæггæнæн æмæ аивгæнæн куыстытæ кæронмæ æрхæццæ сты. Ныртæккæ архайынц ифтонггæрзтæ сног кæныныл. Архайы дзы 29 адæймаджы. Ацы аз кусджыты нымæц фæнд кæнынц 60-ы онг фæфылдæр кæнын. Владимиром Матюшкойы ныхæстæм гæсгæ, хæрзхъæд æрхуыйы рауагъдад фæнд кæнынц апрелы райдайын.
Сергей Меняйло фæнысан кодта, регионы ацы хъуыддагæн ахсджиаг нысаниуæг кæй ис. Уæ зæрдыл уын æрлæууын кæндзыстæм, завод «Кристалл»-ы куыст регионы разамонæг сбæрæг кодта фарон августы. Уæд, кусæг балцы хатдзæгтæм гæсгæ, бабар кодта инвестицион проекты план бацæттæ кæнын.
