«Лидеры России» – æппæтуæрæсеон конкурсы регионалон къæпхæны архайджытимæ фембæлд Сергей Меняйло. Ацы аз дзы архайдта 280 адæймаджы. Регионалон къæпхæнмæ рацыдысты 6-æй. Конкурсы архайджытæ бакуыстой республикæйæн хъæугæ специалистты цæттæ кæныны концепцийыл. Республикæйы сæргълæууæгæн æрыгон адæм радзырдтой сæ фæлтæрддзинад æмæ, цы хæслæвæрдтæ æххæст кодтой, уыдоны тыххæй.
Сергей Меняйло фæнысан кодта, конкурс кæй дæтты егъау гæнæнтæ хи тыхтӕ раргом кæнынæн, стæй ног адæмы базонынæн. Нæ республикæйы бирæ курдиатджын фæсивæд ис, разамынды хъуыддаджы бирæ кæмæн бантысдзæн, ахæмтæ. Уыдон цæттæ сты регионы æмæ бæстæйы райрæзтыл архайын, фæнысан кодтта Сергей Меняйло. Бахæс кодта æмбырды архайджытæн республикон фæсивæдон форумы райрæзтыл бакусын.
Уæвгæ, разамонджыты конкурс «Лидеры России» – у «Россия – страна возможностей» президенты платформæйы раззагдæр, стæй егъаудæр проект, дунейы æмбал кæмæн нæй, ахæм. Æмткæй райсгæйæ, конкурсы бацархайынмæ балæвæрдтой милуан курдиатæй фылдæр дунейы 150 бæстæйæ. Хуыздæртæн лæвæрд æрцæуынц гранттæ сæ хъæппæристæ царды рауадзынæн. Уыимæ ма йæ архайджытæ баххæст кæндзысты бæстæйы хуыздæр разамонджыты номхыгъд. Ацы хатт конкурсы 5-æм сезоны архайджытæ бакусдзысты алывæрсыг фарстатыл – социалон-экономикон, демографи, ахуырад, туризм, экологи, транспорт æмæ экономикæ.
