Цæгат Ирыстоны байгом кæндзысты Курчатовы номыл кълæстæ. Уый тыххæй фехъусын кодта ахуырад æмæ наукæйы министр Алыбегты Эллæ. Ацы къабазы ахуырдзаутæн бакусдзысты фæсурокты курсытыл. Фæсивæд базонгæ уыдзысты физикæйы теорион хæйттимæ, буаргъæдты иумæйаг анализимæ, микробиологи æмæ химион анализимæ.
Ахуырадон организацитæн цы кусæнгæрзтæ радтой, уыдоны руаджы скъоладзаутæ цæудзысты бындурон æмæ профилон ахуыртæ. Проект æххуыс уыдзæн практикумтæ аразынæн, наукæйы æмæ технологиты ног æууæлтæ иртасынæн, уыимæ ма фæсивæд рæстæгмæ кусдзысты раззагдæр куыстуæтты.
