Сергей Меняйло фембæлд Цæгат Ирыстоны финансон цæстдарды службæйы разамонæг Дзугкойты Аланимæ. Кусæг æмбырды дзырдтой медицинон кусджытæн уæлæмхасæн фиддонтæ дæттыны фæткыл.
Республикæйы разамонæгмæ бахъаст кодтой, зæгъгæ, сырх зонæйы чи куыста, уыцы дохтыртæй ӕппæтæн федералон уæлæмхасæн фиддонтæ нæ бафыстой. Мызд фидыны уагæвæрдимæ баст мадзæлттæм лæмбынæг æркæсдзæн финансон цæстдарды Службæ. Цы аиппытæ рабæрæг уа, уыдон æрвыст цæудзысты прокуратурæмæ, фæнысан кодта Дзугкойты Алан. Фарстайы фæдыл ма арæзт уыдзæн фæллойадон инспекци дæр.
