Сергей Меняйлойæн уыд кусæг фембæлд Уæрæсейы хъахъхъæнынады министры хæдивæг Анна Цивилеваимæ. Æрныхас кодтой сæрмагонд æфсæддон операцийы архайджытæн, ветерантæн æмæ сæ бинонтæн социалон æххуысы тыххæй. Республикæйы сæргълæууæг радзырдта, уыцы фарстайыл регионы фæллой æмæ социалон рæзты, æнæниздзинад хъахъхъæнынады министрадтæ, стæй ма иннæ ведомствотæ дæр кæй кусынц.
Сæ сæйраг нысан у алывæрсыг æххуыс сæрмагонд æфсæддон операцийы архайджытæн æмæ сæ бинонтæн бакæнын. Министры хæдивæг та куыд радзырдта, афтæмæй “Фыдыбæстæ хъахъхъæнджытæ” фонды бындурыл баиу кæндзысты цæрджыты уыцы къордæн æппæт æххуысы æууæлтæ дæр. Сергей Меняйло дæр уыцы æрхъуыдыйы фарс рахæцыд, æмæ зæрдæ бавæрдта, Цæгат Ирыстоны дæр хъуыддаг саразыныл кæй бацархайдзæн.
