Сергей Меняйло фембæлд инновациты центр «Сфера»-йы директорты советы уæнг Нина Адамоваимæ. Æмбырды ма архайдтой стратегион бакуысты центры президент Владислав Онищенко æмæ акционерон æхсæнад «Цифровые платформы и решения Умного города»-йы директор Алексей Голубев.
Регионы разамонæг уазджыты базонгæ кодта цалдæр проектимæ. Се ‘хсæн – мониторингы нымæцон платформæ саразын. Уыдзæн дзы дæлбар структурæты архайд бæрæггæнæн системæ дæр. Ноджы ма иу проект – Росатомы конд продукт «Умный город». Йæхимæ исы туристон информацион сервистæ, интеллектуалон транспортон системæтæ, уыимæ «Единый контакт-центр муниципалитета» æмæ «Профилактика нарушений правил благоустройства» модультæ.
Дзуапдæттæг кусджытæн Сергей Меняйло бабар кодта фенын иннæ регионты программæтæ куыд кусынц, уый. Уæлдай æргом аздахын хъæуы хъæбæр хауæццæгтæ бакусынимæ баст проекттæм æмæ промышленнон кондадмæ.
