Шофыры æвдисæндары архайд адæргъвæтин кодтой æртæ азмæ. Уый у бæстæйы хицауады уынаффæ. Ахæм хъæппæрис разынд Уæрæсейы мидхъуыддæгты æмæ экономикон райрæзты министрадтæм. Ацы хъуыддаджы руаджы бантысдзæн цæрджыты æмæ амалхъомады административон архайды æмвæзад фæкъаддæр кæнын.
Ног домæнтæ аххæсдзысты документтæй, се ‘мгъуыд 2022-æм азы 1-æм январæй 2025-æм азы 31-æм декабрьмæ кæмæн фæвæййы, уыдоныл. Курдиæттæ дæттын никуыдæм хъæуы, документ ивын дæр нæ хъæуы. Æппæт хъæугæ информаци бахæсдзысты автомтатикон æгъдауæй Паддзахадон автомобилон инстпекцийы базæмæ.
