Цæгат Ирыстоны сараздзысты агуыридуры завод. Словенийы компаниимæ æмгуыстадыл ныхас кодтой республикæйы сæргълæууæг Сергей Меняйло, компани «Рико»-йы минæвар Мæскуыйы Йозо Драган æмæ компанийы минæвар Цæгат Кавказы федералон зылды Уалыты Гела.
«Рико» уадзы инженерон коммуникацитæ, æфсæйнаг лыггæнæн кусæнгæзтæ, архайы инженерон-техникон арæзтады. Сергей Меняйло Словенийы компанийы разамындæн загъта бузныг æмгуыстадмæ цæттæдзинады тыххæй. Сæргълæууæг куыд фехъусын кодта, афтæмæй республикæйы арæзтадон продукци уадзынмæ ис иттӕг хорз фадӕттӕ ӕмӕ фаг хъӕугӕ ӕрмӕг. Агуыридуры заводы проект рауайдзæн æнтыстджын. Йозо Драган бæстонæй радзырдта компанийы гæнæтæ æмæ æмгуыстады домæнты тыххæй.
Сергей Меняйло куыд загъта, афтæмæй республикæ фæзуаты инженерон цæттæдзинад йæхимӕ райсдзæн. Уынаффæ ма рахастой, проекты хӕстӕ «Цæгат Ирыстоны инвестицион райрæзты корпораци»-йыл ӕвӕрд кӕй уыдзысты.
