Цæгат Ирыстоны сæйраг санитарон дохтыр Тыбылты Алан бафыста коронавирусы ныхмæ æнæмæнг вакцинацийы тыххæй бадзырд. Ныхас цæуы муниципалон æмæ паддзахадон службæты, уыимæ, лæггад чи кæны, уыцы къабазы кусджытыл. Ахæм уынаффæ хицауад рахаста æвзæр эпидемиологон уавæры тыххæй.
Цæмæй ног рынчынты нымæц фæкъаддæр уа, уымæн прививкæ скæнынæй хуыздæр хос нæй. Æрвылбон æнæмæнг тестированийы фæдыл уынаффæ нырма хаст не ‘рцыд. Æнæмæнг вакцинаци нæ хауы, медицинон аххосæгтæм гæсгæ йæ кæнæн кæмæн нæй, уыдонмæ.
