Æнæниздзинад хъахъхъæнынады организацитæ хъуамæ сфидар кæной, дзуапдæттæг министрад кæй снысан кæна, уыцы специалистты номхыгъд. Уый фæстæ Социалон фонд медицинон кусджытæн райдайдзæн социалон фиддон дӕттын.
Ацы æххуысы мадзал снысан кодтой 1-æм январæй. Сæ бон æй райсын у Æнæниздзинад хъахъхъæнынады къабазы бӕлвырд кусджытæн, районты центрон рынчындæтты, стæй хайӕдты медицинон кусджытæн. Афтӕ ма тагъд медицинон æххуысы станцæты æмæ хайæдты срециалисттӕн дӕр. Социалон фиддоны бæрц уыдзæн 4 500 сомæй 18 500 сомы онг специалисты дæсныйады къæпхæнмæ гæсгæ.
