Информацион тыгъдады æдасдзинады фæдыл Дзæуджыхъæуы сарæзтой социалон видеороликты дыккаг республикон æркаст. 15 архайæджы куыстытæ равзæрстой. Уыдон сты Дзæуджыхъæуы æмæ районты скъолаты хистæр кълæсты ахуырдзаутæ, астæуккаг профессионалон ахуыргæнӕндæтты студенттæ. Æркасты уыд дыууæ номинацийы «Хъазæн социалон ролик» æмæ «Анимацион социалон ролик». Куыстытæн аргъ скодта экспертты къорд.
Фæсивæд видеоæрмæджытæ бацæттæ кодтой алыхуызон темæтыл: адæмы хъыгдард, наркотикты зианхӕссӕг фӕстиуджытӕ, интернеты æдасдзинад, фæлитой митæ, терроризм æмæ æндæртæ. Æркаст сарæзтой фæсивæды социализацийы центр æмæ фæсивæды хъуыддæгты фæдыл комитет иумæ.
