Цæгат Ирыстоны цæттæ кæнынц æппæтадæмон равдыст-форум «Уæрæсе»-мæ. Ацæудзæн фæззæджы Мæскуыйы. Мадзалмæ цæтæгæнæн комитет саразыны уынаффæ рахаста Сергей Меняйло. Фыццаг æмбырд ацыд Дзанайты Барисы разамындæй.
Республикæйы размæ лæууы вазыгджын хæс – нæ экономикæйы къабазы хуыздæр æнтыстдзинæдтæ равдисын. Уый тыххæй хъæуы форумы Цæгат Ирыстоны стенды мидис æмæ концепци саразын æмæ снысан кæнын. Экономикон рæзты министр Кучиты Зауыры ныхæстæм гæсгæ, ууыл ныридæгæн кусын райдыдтой. Стенд æвдисæг уыдзæн, республикæ æнæрлæугæйӕ кæй рæзы, йæ инвестицион хъомыс ахъаззаг кæй у. Фенæн дзы уыдзæн экономикæ æмæ культурæйы æнтыстдзинæдтæ, стæй туристон къабазы уавæр.
