Цæгат Ирыстонмæ ссыд туристон поезд «Жемчужина Кавказа». Нæ республикæйæ дарддæр ма ацы хатт марштурмæ бафтыдтой Адыгея, Цæцæны, Дагестан, Кæсæг-Балхъары республикæтæ. Балцы туристтæ базонгæ уыдзысты нæ республикæйы цымыдисаг æрдз æмæ культурæимæ, стæй, æнæмæнг, бынæттон цæрджытимæ.
Ирон æгъдау куыд амоны, афтæ уазджыты размæ рахастой æртæ кæрдзыны æмæ нуазæнтæ. Туристон поезд «Жемчужина Кавказа»-йы бæлццæттæ дисы бацыдысты. Суанг ма сæм ирон «Симд»-мæ кафын дæр æрцыд.
Цæгат Кавказы республикæтæ бабæрæг кæнын, 7 боны дæргъы бынæттон алæмæты æрдз æмæ культурæимæ базонгæ уæвын. Цымыдисаг турыл бакуыстой Уæрæсейы æфсæнвæндæгтæ. Программæ у æнцонвадат. Боныгон экскурситæ, æхсæв та поезд-отелы уæвын. Мæскуыйæ туристон поезд рараст Майкъопмæ. Абон ссыд Дзæуджыхъæумæ. Нæ горæт туры маршрутмæ фыццаг хатт бафтыдтой.
Цымыдисаг æмæ алывæрсыг программæ. Суанг минуты онг рæстæг нысангонд у. Кадджын фембæлды фæстæ туристтæ адих сты автобустыл. Æнхъæлмæ сæм кæсы республикæйы рæссугъддæр бынæтты экскурси æмæ шоу-программæ.
Дарддæр туристон поезд араст уыдзæн Грознамæ. «Жемчужины Кавказа»-йæн ацы сезон у æртыккаг. Суазæг ма йæ кæндзысты Дагестан, Кæсæг-Балхъары æмæ иннæ республикæты.
