Хакассийы куклаты национ театрæн йæ театралон сезон райдыдта Дзæуджыхъæуы. Театры репертуары ис цымыдисаг спектальтæ. Æнгом кæнынц бинонты. Федералон программæ «Большие гастроли»-йы сæйраг нысан – бакусын Уæрæсейы культурон рæзтыл. Йæ фæлгæты нæ бæстæйы аивадуарзджытæн фадат уыдзæн Уæрæсейы театртимæ зонгæ кæнын.
«Кавказский меловой круг» – немыцаг поэт, драматург Бертольт Брехты пьесæ. Ацы уацмысæй райдыдтой сæ гастрольтæ Дзæуджыхъæуы Хакассийы Людвиг Устиновы номыл куклаты национ театр «Сказка». премьерæ рауад цымыдисаг. Уæлдайдæр та спекталы архайд. Сценæйыл нæ райдыдта,фæлæ вестибюлæй.
Алы спектаклыл дæр бакусынц бирæ рæстæг. Дыууæ сахатмæ актертæ сцæнæмæ рахизынц цалдæр алыхуызон фæлгонцы.
Театр «Сказка»-йы минæвæрттæ æппынæдзух дæр сæ куыстмæ бахæссынц ногдзинæдтæ. Сценæйыл сæвæрынц зын, арф мидисджын уацмыстæ. Кæд куклаты театры, уый æнцон хъуыддаг нæу, уæддæр сæ курдиаты гæнæнтæ æгæрон сты. Коллективы аивадон æнтыстдзинæдтæн аргъ скодтой дунеон сценыл дæр. Труппæйы хæзнадоны ис 5 сыгъзæрин маскæйы.
Гастролты фæлгæты театр чысыл аивадуарзджытæн равдисдзæн ноджы дыууæ спектаклы «Золотой цыпленок» æмæ «Как котенок учился мяукать». Федералон программæ «Большие гастроли»-мæ гæсгæ Абаканы зæрдиагæй æнхъæлмæ кæсынц театр «Саби»-йы актертæм дæр.