Иумæйаг паддзахадон фæлварæнты иуæй-иу предметтæй сбæрæг сты бæрæггæнæнтæ. 100 баллы чи райста, ахæмтæ Цæгат Ирыстоны дæр разынд. Нырма уал сты 13 адæймаджы. Уыдон хорз хатдзæгтæ равдыстой уырыссаг æвзаг, истори, информатикæ æмæ химийæ. Бирæ сывæллæттæн фæлварæнты сæрты ахизын вæййы зын эмоционалон æгъдауæй. Фæлæ рауагъдонты ныхæстæм гæсгæ, дæхи хорз куы бацæттæ кæнай, уæд тæрсын дæр ницæмæй хъæуы.
Дзæуджыхъæуы 18-æм скъолайы рауагъдон Дзуццаты Сабинæ: «Æз мæхи пъланмæ гæсгæ æнтыстджынæй цæттæ кодтон. Сывæллон йæхи фæлварæнмæ фæрæвдз кæны, ахуыр цас кæны, уыйас. Цæмæй йæ аккаг хуызы радтай, уый тыххæй хъуамæ хъусай ахуыргæнæгмæ лæмбынæг, æнæзивæгæй кусай урочыты. Цыдæриддæр вæййы фæлварæны, уыдон скъолайы программæйы дæр фæцæуынц».
Фæлварæнтæм сывæллæтты хорз бацæттæ кæнын у ахуыргæнджыты раззагдæр хæс. Республикæйы ахуырад æмæ наукæйы министрады куыд фæбæрæг кодтой, афтæмæй алы аз дæр, 100 баллы чи райсы, уыдоны нымæц рæзы. Ацы аз æрмæст уырыссаг æвзагæй республикæйы скъоладзаутæй 100 баллы райстой 9-æй. Дыууæйæ – историйæ, иу – информатикæ, иу – химийæ. Се `ппæт предметтæй бæрæггæнæнтæ нæма сты цæттæ, фæлæ министрады сæ зæрдæ дарынц, æппæты бæрзонддæр баллтæ ма дзы кæй уыдзæн, ууыл
