Цæгат Ирыстоны 5 мин 500 медицинон кусæджы фарон райстой сæрмагонд социалон фиддонтæ

7.02.2024 13:33

Уый тыххæй Уæрæсейы социалон фонды регионалон хайад рахай кодта 460 млн сомæй фылдæр.

Цæгат Ирыстоны 5 мин 500 медицинон кусæджы фарон райстой сæрмагонд социалон фиддонтæ. Уый тыххæй Уæрæсейы социалон фонды регионалон хайад рахай кодта 460 млн сомæй фылдæр. Сæрмагонд социалон фиддон æмбæлы æнæниздзинад хъахъхъæнынады къабазы фыццаг звенойы кусджытæн, районты центрон рынчындæтты, тагъд æххуысы станцæты æмæ хайæдты кусджытæн. Материалон æххуысы бæрц — 4, 5 мин сомæй 18,5 мин сомы онг, профессионалон категори æмæ куыстуаты хуызмæ гæсгæ. Алы мæйы хатдзæгтæм гæсгæ, медицинон организацитæ бацæттæ кæнынц фиддон кæмæн æмбæлы, уыцы кусджыты электрон хыгъд. Информаци фæхæццæ кæнынц дзуапдæттæг ведомствæмæ. Медикты сæхи аразын ницы хъæуы. Архайд у автоматикон хуызы. Социалон фонды регионалон хайады разамонæг Таболты Сергей куыд фæнысан кодта, афтæмæй фиддонтæ дæттынц æххæстæй. Ома, дзы хъалон нæ уромынц.

Предыдущий материал

Ацæргæ æмæ инвалид адæмы боныгон центры æххæст кæнынц “Активное долголетие” проект

Следующий материал

Бинонтæ æмæ сывæллæтты социалон æххуысæн ацы аз республикæйы рахай кæндзысты миллиард сомæй фылдæр

Читайте также

Все новости