Диспансеризацийы тыххæй нæ программæты арæх фехъусын кæнæм. Бæстонæй радзурæм, йæ ацæуыны домæнтæ. Ныр та сфæнд кодтам раиртасын профилактикон æркаст цас зын кæнгæ у, уый. Уыимæ ма йыл цас рæстæг ацæуы, уый сфæлхат кæнын.
Уый тыххæй сахат фæнысан кæндзыстæм телефоны. Фыццаджы дæр пациент æрбацæуы медицинон профилактикæйы хайады постмæ. Уым ын раттынц сæрмагонд документтæ, ныффыссынц дзы æппæт бæрæггæнæнтæ. Зæгъæм, ас, уæз, туджы æлхъывдады нымæцтæ æмæ æндæр хатдзæгтæ. Дохтыр фехъусын кæны нысангонд домæнтæн дзуапп дæттынц уæ бæрæггæнæнтæ æви нæ, уый.
Фæлæ адæймаг йæхи хорз куы æнкъара, уæддæр бæстон æркаст æнæмæнг хъæуы ацæуын. Дохтыртæ тæрсын нæ кæнынц, фæлæ ма зæрдыл дарынц æвзæр низæнæн райдианы симптомтæ кæй нæ вæййы, уый. Онкологи æрæгмæ фæхъыгдары.
Уымæ гæсгæ, цас раздæр низ раиртасай, афтæ хуыздæр. Дохтыртæм, æнæмæнг, цæуын хъæуы.
Æнгуылдзæй туг ныридæгæн арæх нал фæисынц, уымæн æмæ уыцы иртæстытæ элементтæй хъæздыг нæ вæййынц.
Дадзинæй туг та хорз у алыхуызон тестытæн. Уыимæ, диспансеризацийы рæстæг дæр. Бæрæг кæнынц холестерин æмæ глюкозæйы æмвæзад. Уый руаджы афойнадыл рабæрæг кæнынц сæкæрниз. Зæгъын хъæуы уый, æмæ процедурæ риссаг нæу.
Æнæниздзинады уавæр сбæрæг кæнæн ис лæвар. Флюорографи, маммографи, гинеколог, уролог. Кæсынц цæстытæм дæр.
Зæрдæйы низтæ фæстаг рæстæг арæхæй-арæхдæр рабæрæг кæнынц æрыгæттæм, уымæ гæсгæ мадзалы рæстæг æнæмæнг спайда кæнынц электрокардиографийæ.
Æмæ уый диспансеризацийæн у æрмæст фыццаг къæпхæн. Дыккаг хайы рæстæг цы сбæрæг кæнын хъæуы, уый дарддæр нысан кæны дохтыр, иртæстыты хатдзæгтæм гæсгæ, уыимæ пациент йæхи куыд æнкъары, уый хынцгæйæ. 18 азæй 39 азы онг кæуыл цæуы, уыдон лæвар диспансеризаци цæуынц æртæ азмæ иу хатт. 40 азæй фæстæмæ та æрвылаз. Уый тыххæй та хъæуы æрмæст медицинон фæдзæхстады сыф æрбахæссын. Хи ныффыссæн ис паддзахадон лæггæдты порталы уылты дæр.
Диспансеризаци æххуыс у æвзæр низ рагагъоммæ раиртасынæн, инфаркт æмæ æндæр уæззау диагнозтæ сæвæрынæн. Æххæст медицинон æркаст ацæуынмæ рады ис бирæ ацæргæтæ, æппынæдзух низджын чи у, ахæм адæм. Уыдоныбæстæндæрæй хъæуы се нæниздзинад бæрæг кæнын.
Æрмæст афæдзы райдианæй Цæгат Ирыстоны диспансеризаци ацыдысты 40 мин адæймагæй фылдæр. Уый та у афæдзы бæрæггæнæны 14%. Парахатдæр æркст скодтой 4 мин цæрæджы.
Диспансеризаци æххæстæй ацыдыстæм. Уымæ гæсгæ бауромдзыстæм секундомер. Бахъуыдис нæ сахатæй чысыл фылдæр. Æрмæст ма райсдзыстæм хатдзæгтæ. Иртæстыты бæлвырд бæрæггæнæнтæ базонæн ис дыккаг бон. Лæвар диспансеризаци ацæуæн ис национ проект “Дæргъвæтин æмæ активон цард”-мæ гæсгæ.
