Цæгат Кавказы Кинохроникæйы студийы акциты 100% Федералонӕй радтой республикон исбонадмӕ. Уый тыххæй фехъусын кодтой Цæгат Ирыстоны хицауады æмбырды. Амыдта йæ премьер Дзанайты Барис. Хицауады сæрдар дзуапдæттæг ведомствотæн бабар кодта киностудийы райрæзты пъланыл бæстон куыст бакæнын. Ныхас ма цыд социалон-экономикон райрæзтыл, фæсивæдон политикæйыл, цæрджытæн æххуысы мадзæлттыл æмæ ног объеккты арæзтадыл.
Фæнысан кодтой кадрты фарстатæ дæр. Афтæ, Хъуыссæты Зæлинæйы снысан кодтой Цæгат Ирыстоны культурæйы министры хæдивæгæй. Габеты Вадим та сси республикæйы Ахуырад æмæ наукæйы министры хæдивæг. Тарифты регионалон службæйы разамонæджы хæдивæгæй ногæй нысангонд æрцыд Бæдойты Сослан.
Хицауады уæнгтæ æрдзырдтой социалон æмæ коммуналон объектты арæзтадыл дæр. Экономикон райрæзты министр Кучиты Зауыры ныхæстæм гæсгæ, хæстæгдæр æртæ азы дæргъы хъæуты дондзæуæн системæты проектон-хыгъдон гæххæттытæ скæнынæн уæлæмхасæн фæрæзтæ рахай кæндзысты. Уымæй уæлдай, спортивон комплекстæ, скъолатæ, культурæйы хæдзæртты, фелсырон-акушерон пунктты цалцæг æмæ арæзтадæн.
Æмбырды рæстæг ма куыд рабæрæг, афтæмæй Бæззаты Аслан республикæйы исбонадмæ радта, культурон нысаниуæг кæмæн ис, ахæм объект. Ныхас цæуы Яшин æмæ Титовы уынгты тигъыл зæронд сисыл, у 19-æм æнусы амад.
