Цæгат Ирыстоны фидæны аз аиуварс кæндзысты цыппар æнæзакъон бырондоны. Уый тыххæй хицауады æмбырды фехъусын кодта æрдзон æвæрæнтæ æмæ экологийы министры хæстæ рæстæгмæ æххæстгæнæг Бокоты Эльбрус.
Куыстытæ æххæст кæндзысты проект «Чистая страна», зæгъгæ, федералон проекты фæлгæты. Проектон-хыгъдон гæххæттытæ бацæттæ кæнын хъæуы Алагиры, Æрыдоны, Дигорайы æмæ Беслæны бырондæтты рекультивацийæн.
Фæнысан ма кæндзыстæм уый, æмæ мадзал баххæст кæнынæн хаст æрцыд уынаффæ дзуапдæттæг ведомствойæн бюджетæй рахай кæнын 29 милуан сомы.
