Цæгат Ирыстоны дарддæр æххуыс кæнынц Донецк æмæ Луганскы адæмон республикæтæй лыгъд адæмæн. «Иугонд Уæрæсейы Фæсивæдон гварди» партийы регионалон æхсæнадон исæнуатимæ иумæ æмæ «Уæлæхизы бархионтимæ» аластой гуманитарон æххуыс, адæмы рæстæгмæ кæм æрцæрын кодтой, уыцы пункттæй иумæ – санаторий «Юность»-мæ.
Æнæмæнг хъæугæ дзауматæ, чингуытæ, адджинæгтæ. Гуманитарон æххуыс æрæмбырд кæнын бантыст партийы уæнгты хъæппæрисæй, стæй республикæйы цæрджытæй фарстамæ куыдфæндыйы цæстæй чи нæ кæсы, уыдоны æххуысæй. Акцийы бацархайдтой республикæйы Парламенты депутаттæ, стæй горæты минæвæртты æмбырды уæнгтæ, республикæйы амалхъом адæм. Уæвгæ, ахæм æххуыс фыццаг нæу, Донбассы цæрджытæн ам кæй æрæмбырд кодтой.
Раздæр ма парти «Иугонд Уæрæсе» республикæйы разамынды æххуысæй Ростовы облæстмæ арвыстой цалдæр уæзласæн машинæйы хойрæгтæ æмæ донимæ, стæй арæзтадон æрмæгимæ.
