Цæгат Ирыстоны дарддæр цæуы Дзæуджыхъæуы фæрсты ног егъау фæндаджы арæзтад.
Йе ‘руаджы бантысдзæн горæты фæндæгтыл цӕуӕг транзитон хæдтулгæты нымæц фæкъаддæр кæнын. Ног фæндагыл уыцы иу рæстæг йæ бон ацæуын уыдзæн 4 хæдтулгæйæн. Уыдзæн дзы хæрзхъæд рухсдæттæн системæ. Уæдæ дзы фӕнд кӕнынц æрлæууæн æмæ фæлладуадзæн бынæттæ саразын дæр.
Объект арæзт цæуы федералон программæ «Транспортон системæйы райрæзт»-ы фæлгæты. Фæндаджы арæзтад райдыдта ацы аз, июны. Кæронмæ æрхæццæ уыдзæн 2024-æм азы.
