Коронавирусы ныхмæ пандемийæйы фыццаг бонæй тох кæнын райдыдтой Цæгат Ирыстоны дохтыртæ дæр. Сæрмагонд костюмтæ æмæ маскæтæ. Æрвылбон æвæллайгæйæ зилынц пациенттæм. Сырх зонæйы медикты куысты тыххæй нæ дарддæры æрмæг.
Алы пациентмæ дæр ам ис уæлдай цӕстдард. Гæнæн ис, æмæ сæ уавæр фæуæззаудæр уа алы минут дæр. Сырх зонæйы цы дохтыртæ кусы, уыдонæн сӕ кусæн бонæн нæдæр райдайӕн нæдæр кæрон ис. Æвæллайгæйæ архайынц рынчынтӕн баххуыс ӕмӕ сӕ фервæзын кæныныл. Тменаты Заремæ ковиды ныхмæ тох кæны пандемийæйы фыццаг бонæй. Майы медик куыста Горæтгæрон районы госпиталы. Фароны октябрæй абонмæ та разамынд дæтты Архонкæйы рынчындоны бындурыл ковиды стационарæн. Куыд зæгъы, афтæмæй низы 4-æм фӕлтӕр разынд æппæтæй уæззаудæр.
Тменат Заремæйы ныхæстæм гæсгæ, Сырх зонæмæ куы бахауынц, уæд пациентты фылдæр хай фæфæсмон кæнынц, вирусы ныхмæ прививкæ кæй не скодтой, ууыл. Арæх дохтырты бахъæуы профилактикон куыст кæнын дæр. Адæмæм æмбарын кæнынц, вакцинаци æнæниздзинадæн цас ахсджиаг у, уый.
Цы пациентты фервæзын кодтой, уыдоны бузныг дохтыртæн у æппæтæй зынаргъдæр хæрзиуæг. Тменаты Заремæ хорз бахъуыды кодта йæ пациенттæй иуы. 26-аздзыд лæппу.
Сырх зонæйы чи кусы, уыдон ныр 2 азæй фылдæр тох кæнынц тæссаг вирусы ныхмæ. Æмæ алы пациенты æнæниздзинадыл дæр архайынц удуæлдайæ. Уыцы хæс æххæст кæндзысты кæронмæ дæр.
