Цæгат Ирыстоны хæхты цы арт-объекттæ ис, уыдоны тыххæй киноныв æппæтадæмон фестиваль “Диво Евразии”-йы бацахста æртыккаг бынат. Ацы аз мадзал ацыд 3-æй 6-æм декабры онг Чувашийы. Кинолентæ “Точки притяжения” призыл ерыс кодта Вологдæйы, Новосибирскы, Сахалины, Мæскуыйы облæсттæ, Хабаровскы край æмæ республикæ Комийæ æрмæджытимæ.
Киноныв æвдисы, туристты сæхимæ цы арт-объекттæ æлвасынц, уыдоны истори, æргом кæны сæ нысаниуæг. Фыццаг уал туризмы рæзты фонды минæвæрттæ радзырдтой, республикæйы национ хæдбындур культурæ куыд хъахъхъæнынц ахæм объектты æххуысæй, уый тыххæй.
Профессионалон æгъдауæй кинонывæн аргъ кодтой фæсарæйнаг æмæ уæрæсейаг эксперттæ: федералон телеканалты информацион æмæ тематикон дирекциты разамонджытæ, видеостудитæ æмæ маркетенгон агентадты минæвæрттæ, туризмы къабазы зындгонд специалисттæ.
Уæ зæрдыл уын æрлæууын кæндзыстæм, арт-объекттæ туризмы комитет сæвæрдта 2020-æм азы.
