Æрыдоны культурæйы галуаны уыд районты ‘хсæн фыццаг фестиваль “Зарæг — æдæмы уд”, зæгъгæ. Сценæйыл сæ аивад равдыстой хъазахъæгты къордтæ республикæйы алы рæттæй. Ирд æмæ цымыдисаг программæ рахастой адæмы размæ: традицион кæфтытæ, дины фæткимæ баст номыртæ æмæ ма раст аивадуарзджытæн дæр бацæттæ кодтой конкурстæ. Фойейы уазджытæм æнхъæлмæ кастысты лæвæрттæ: лауызтæ, сойыфыхтæ, цай.
Бæрæгбон райдыдта кадджын мадзалæй. Æрыдон районы сæргълæууæг Мæрзаты Владислав бузныджы фыстæджытæ балæвар кодта ансамбльты разамонджытæн. Адæмон сфæлдыстады республикон хæдзары директор Лалыты Хъазыбег бафиппайдта, афтæмæй мадзал у ахсджиаг, ис ын бæрнон нысан — этникон хиæмбарынад бахъахъхъæнын.
