Синоптикты бæрæггæнæнтæм гæсгæ, Цæгат Ирыстоны хæстæгдæр рæстæг фæхъармдæр уыдзæн. Куыд зæгъынц, афтæмæй уазæлттæ райсомæй фæстæмæ фæсæтдзысты. Ахсæв термометр амондзæн 14 градусы онг уазал. Фæлæ уыйфæстæ чысылгай йæхиуыл хæцын райдайдзæн.
Температурæ дыууæрдæм кæй кæны, уый, гæнæн ис, æмæ цæрджыты æнæниздзинадыл фæбæрæг уа. Медицинон кусджытæ куыд зæгъынц, афтæмæй сæхи æвзæр æнкъардзысты, йæ туджы æлхъывдад бæрзонд кæмæн вæййы, сæкæры æмæ зæрдæйы низтæй чи хъæрзы, уыцы адæм. Дохтыртæ сидынц, цæмæй рынчынтæ се ‘нæниздзинадмæ æркæсой.
Дарддæр Антлантикон антициклон йæ тыхы кæй бацæудзæн, уымæ гæсгæ уæлдæфы æлхъывдад фæбæрзонддæр уыдзæн. Температурæ фæуæлдæр уыдзæн æмæ уазæлтты тых фæсæтдзæн. Майрæмбоны, 22 январы ралæудзæн хъарм рæстæг. Уæлдæфы температурæ уыдзæн ноль градусæй 6 градусы онг хъарм. Боныгон та – 7-11 градусы онг хъарм.
