Коронавирусæй чи амард, уыцы дохтырты сывæллæттæ, гæнæн ис, æмæ медицинон ахуыргæнæндæттæм исой æнæ фæлварæнтæй. Федералон хъæппæрисы фарс рахæсцыдысты Цæгат Ирыстоны парламенты депутаттæ.
Ныхас цæуы бакалавриат æмæ специалитеты программæтыл. Уæдæ сæ æхца фидын дæр нæ хъæудзæн. Хæстон цауты инвалидтæ, кæнæ хæсты ветеранты цоты, фыццæгты `хсæн исдзысты рæвдауæндæттæм, скъолатæм æмæ дзæбæхгæнæн лагерьтæм. Депутаттæ се ‘ргом аздæхтой бюджеты ивддзинæдтæм дæр.
Финансты министры хæдивæг Оксана Каровайы ныхæстæм гæсгæ, ивддзинæдтæ бюджетмæ бахастой кризисы ныхмæ мадзæлттæ хынцгæйæ. Бынæттон хиуынаффæйадтæн бар уыдзæн кредиттæ льготон хуызы исын 0,1% афæдзмæ. Уый руаджы сæ хæстæ бафиддзысты. Кредит уый фæстæ къæпхæнгай бафидæн уыдзæн 2028 азы онг. Абоны бонмæ ахæм хæстæ ис Дзæуджыхъæуы æмæ Рахизфарсы муниципалон иугондтæн.
