Профилактикон мадзал «Мототранспорт», зæгъгæ, абон райдыдтой æххæст кæнын Цæгат Ирыстоны. Паддзахадон автоинспекцийы кусджытæ се ‘ргом фылдæр аздахдзысты мототранспорты архайдимæ фæндаггон фыдбылызты профилактикæмæ. Мадзалы цæудзæн 25-æм августмæ.
Фыццаджыдæр, мототранспортæй чи пайда кæны, уыдонæй дзуапдæттæг ведомствæйы кусджытæ домынц æппæт фæндаггон домæнтæ æххæст кæнын – тагъд ма цæуын, фæндаггон змæлды иннæ архайджытимæ æмбæлгæ дистанци æххæст кæнын, комкоммæ цæуæг хæдтулгæты фæндагмæ ма цæуын. Уæдæ дыууæ хæдтулгæйы ‘хсæн ацæуын мототранспортыл бадгæйæ у тæссаг. Арæхдæр ацы транспорты хуызы архайдимæ фæндаггон фыдбылызты аххосæгтæ вæйынц, иннæ хæдтулгæтæ æййафгæйæ, тагъд цыды фæтк халын, стæй хъахъхъæныны мадзæлттæй ма пайда кæнын.
