Цæгат Ирыстоны скъолаты кусын райдайдзысты математикон къордтæ. Сарæзтой сæ проект «Цæгат Ирыстоны математикон райрæзт»-ы руаджы. Сæ зонындзинæдтæ фæфылдæр кæныны фадат дзы уыдзæн 3-аг къласæй 6-æм къласы онг скъоладзаутæн. Ахуыртæ уыдзысты лæвар.
Сывæллæттимæ архайдзысты 2 сахаты дæргъы куъыри 2 хатты. Программæмæ гæсгæ куыст цæудзæни 4 азы. Уый фæстæ курдиатджындæр сабиты бон уыдзæни республикон физикон-математикон лицейы ахуыр кæнын. Къордтæ кусын райдайдзысты октябры. Фарон республикæйы сарæзтой 33 ахæм къорды æппæт районты дæр.
