Фæлладуадзæн рæстæг пайдаимæ арвитын, уыимæ ма ирон адæмы культурæимæ базонгæ уæвын. Сывæллæтты хæдзар «Узæлд»-ы бындурыл лагеры суазæг кодтой Запарожьейы облæстæй сабиты. Ирыстоны рæсугъддæр бынæттыл ӕрзылдысты, бабæрæг кодтой сырддон, фыццаг хатт федтой планетарий, сылгоймæгты моладзандон. Нæ республикæ афтæ тынг бауарзтой, æмæ суанг ирон кафт дæр сахуыр кодтой.
Ирон ныхасыл ацы сабитæ чысылгай фæцахуыр сты. Кæд нырма æппæт дзырдтæ не ‘мбарынц, уæддæр ахуыргæнæгмæ лæмбынæг фæхъусынц, архайынц ног ныхæстæ бахъуыды кæныныл. Цымыдисаг ма уый у, æмæ цыбыр рæстæгмæ фæцахуыр сты ирон кæфтытыл. Суанг ма симды бацæуын дæр фæлварынц.
Ирон музыкæйы зæлтæ æмæ уæлæдарæсы аивдзинад банкъарын æмæ уыцы-иу рæстæг аивадмæ æмхиц кæнын. Ууыл кусынц разамонджытæ. Сывæллæтты хæдзар «Узæлд»-ы бындурыл лагер суазæг кодта Запарожьейы облæстæй 8 сабийы, семæ республикæмæ ссыдысты дыууæ хистæры. Александр Шаваргин лагеры ис йæ дыууæ хоимæ. Сывæллæтты хæдзары раздæры хъомылгæнинæгтæ ныр цæрынц исæггаг бинонты ‘хсæн. Алыхуызон ирхæфсæн мадзæлттæ æмæ хъомылгæнджыты фæлмæн ныхас сабитæн ацы уавæрты уæлдай ӕхсызгон у сæ зæрдæтӕн, се нкъарæнтæ æргом кæнынц зæрдиагæй.
Уый та у лагер æмæ сывæллæтты хæдзар «Узæлд»-ы сæйраг нысан. Хъомылгæнджыты ныхæстæм гæсгæ, тыхстысты, сывæллæтты зæрдæтæм фæндаг ссардзысты æви нæ, уый фæдыл. Пайда кæнынц хъæугæ методикæтæй.
Афтæ кæй уыдзæн, уый та гуырсхойаг нæу. Абон сывæллæттæн канд аккаг фæлладуадзæн рæстæгыл нæ архайынц. Сабиты ‘хсæн ис, йе ‘нæниздзинад хъыгдæрд кæмæн у, ахæмтӕ дæр. Уымæ гæсгæ, алкæмæимæ дæр цæуы бæстон куыст.
Сывæллæттæ ма лагеры уыдзысты æртæ боны. Сæ программæ кæронмæ дӕр уыдзæн хъæздыг. Бабæрæг кæндзысты Ирыстоны алæмæты рæсугъд бынæттæй иу — нæлгоймæгты моладзандон.
Калоты Дзерассæ
