Республикæйы эпидемиологон уавæр у нырмӕ дӕр зæрдæхсаинаг. Коронавирусы инфекци парахат кæны. Уымӕ гӕсгӕ кусынц адæмæн экспресс-тесттæ кæныны пункттæ. Уыцы иу рæстæг дзы вакцинаци æмæ ревакцинаци скæнæн дæр ис. Ахӕм пунктты се ‘нæниздзинад чи сбæрæг кодта, уыдонимæ фембæлдысты ме ‘мкусджытæ.
Коронавирусы миниуджытæ йæхиуыл чи не ‘нкъары, ахæм рынчынты уавæр хуыздæр сбæрæг кæнын. Бæлвырддæр та, инфекцийы зилдух се ‘нæниздзинадыл куыд ахады, уый. Цæгат Ирыстоны дарддæр цæрджытӕн кӕнынц тестытӕ. Къубалты Сослан базарадон центрмæ æрбацыд дзаумæттæ æлхæнынмæ. Цæугæ та ракодта медицинон иртæсты бæрæггæнæнтимæ.
Се ‘нæниздзинады уавӕр сбæрæг кæнынмæ æрбацыдысты базарадон центры кусджытæ дæр. Куыд зæгъынц, афтæмæй сын сæ куысты бынаты экспресс-тест раттыны фадат кæй ис, уый хорз у. Поликлиникæмæ ацæуынын рæстæг алы хатт нæ вæййы.
Пункт кусы æртыккаг бон. Уыцы рæстæгмæ, вирус сæм ис æви нæй, уый сбæрæг кодтой 150 адæймаджы. Се ‘хсæн разынд, COVID-19 кæмæ рабӕрӕг, ахæмтæ дæр. Тест скæныны тыххæй хъæуы æрмæст паспорт, медицинон полис æмæ паддзахадон фӕдзӕхстады гӕххӕт – СНИЛС. Дарддæр 5 минуты бæрц банхъæлмæ кæс æмæ де ‘нæниздзинады уавæр базондзынæ. Ам бонмæ ис скæнæн 100 тесты. Специалистты ныхæстæм гæсгæ, бахъуыджы рæстæг фылæр адӕмӕн дæр скæндзысты тестытӕ.
Лæвар тестæй уæлдай, уыцы иу рæстæг цæрджытæн ис вакцинæ скæныны фадат дæр. Абон пункт кусдзæн базарадон центр «Алания Молл»-ы 12 сахатæй 16 сахат æмæ 30 минуты онг.
