Цæгат Ирыстоны цæттæ кæнынц Аланийы аргъуыды 1100 азы бæрæгбонмæ. Бæрæгбоны мадзæлттыл бæстонæй æрдзырдтой республикæйы сæргълæууæг Битарты Вячеслав æмæ республикæйы культурон объектты хъахъхъæнынады комитеты разамонæг Æгайты Эмилия. Куыст цæуы культурон, рухстауыны къабæзты, уыимæ рауагъдады архайды. Рацарæзт цæуы, историон нысаниуæг кæмæн ис, уыцы объектты.
Куыстыты хæрзхъæддзинадмæ се ’ргом хъуамæ здахой профилон министрадтæ, фæнысан кодта республикæйы сæргълæууæг. Йæ ныхæстæм гæсгæ, бындуронæй цы объекттæ рацарæзтой, уыдон туристты сæхимæ æлвасдзысты. Æрдзырдтой, Фыдыбæстæйы хæсты чи фæмард, уыдоны номыл цыртдзæвæнты уавæрыл, æмæ фыдæлтыккон мæсгуытæ бахъахъхъæныныл. Сбæлвырд кодтой ахсджиагдæр æмæ сæйрагдæг куыстыты хыгъд.
