Цæгат Кавказы арæзтадон техникумы студенттæ бацархайдтой конкурсы. Цыппæрæм курсы студенттæ бацæттæ кодтой презентаци. Темæ «Ацы дæсныйад цæмæн равзæрстон». Арæзтадон къабазы фидæны кусджытæ радзырдтой сæ дæсныйады цымыдисагдæр миниуджыты тыххæй. Ацы къабаз ныртæккæ рæзы. Фæзынд дзы ног технологитæ. Фадат дзы фæзынд ног хъуыдытæ цардмæ бахæссын. Æрыгон специалистты фæнды, техникумы цы зонындзинæдтæ райстой, уыдонæй тагъд рæстæджы спайда кæнын.
Жюрийы уæнгтæ сты техникумы ахуыргæнджытæ æмæ, йæ куыстуатæн дæсны специалисттæ чи агуры, уыдон. Се ’хсæн арæзтадон компаниты разамонджытæ. Амалхъом адæм арæх бабæрæг кæнынц ацы ахуырадон уагдон. Ардæм æрбацæуынц хорз специалисттæ ссарынмæ. Иуæй-иу рауагъдонтæн та фадат уыдзæн ахуыры фæстæ бацархайын республикæйы ахсджиаг арæзтадон куыстыты стажировкæйы хуызы.
