Цæгат Кавказы федералон зылды райрæзты программæ «Чистая вода» æххæст кæнынц республикæйы. Йæ фæлгæты Алагиры райдыдтой доны хæтæлтæ ивын. Ацы хорздзинадмæ цæрджытæ рагæй æнхъæлмæ кастысты. Зæгъæм, Ленины номыл уынджы доны хæтæлтæм 40 азы дæргъы æвнæлд нæ уыд. Ныр сæ ног сыгъдæггæнæн станцæтæм баиу кæндзысты.
Доны хæтæлты скъуыддзæгтæ æндæгъд кæй æрцыдысты, ууыл дзурæг сты æмпъызт бынæттæ æддæмæ кæй ракъуыпп сты, уый. Ленины номыл уынджы куыстытæ райдыдтой æртæ къуырийы размæ. Хæтæлтæ иууылдæр раивдзысты. Зæрæдтæ 40 азмæ заууат уавæрмæ æрцыдысты.
Ног хæтæлтæ, специалистты ныхæстæм гæсгæ, дзуапп дæттынц æппæт нырыккон домæнтæн. Фæлæудзысты бирæ азты дæргъы.
Ныридæгæн ивд æрцыд хæтæлты 700 метры. Рацараздзысты сæ афæдзы кæронмæ. Ног хæтæлтæ баиу кæндзысты сыгъдæггæнæн станцæмæ. Уый бынæттон цæрджыты циныл цин æфтауы. Ныр хæдзæрттæм дон цæудзæн æнæ къуылымпытæй.
Дондзæуæн хæтæлты рацарæзт цæуы Цæгат Кавказы федералон зылды рæзты программæ «Чистая вода»-йы фæлгæты.
Программæйы æмгъуыд у æртæ азы. Ленины номыл уынгæй уæлдай ма сног кæндзысты, Хетæгкаты Къостайы номыл уынджы цы дондзæуæн хæтæлтæ ис, уыдон.
