Уырыссаг, англисаг, сомихаг æмæ туркаг — бирæвзагонтелеграм-бот арæзтой афæдзы ‘рдæг. Сервисыл Цæгат Ирыстоны паддзахадон университеты бакуыстой æмæ уæзласæн хæдтулгæты шофыртæн æвдисы электронон рад. Арæн гом у æви нæ, уый дæр дзы базонынц. Боныхъæд та — бæлвырдæй, температурæ æмæ уарынты тыххæй хъусынгæнинæгтимæ.
Университеты сæрмагонд центры иртасынц “Уæллаг Ларсы” уадзæн пункты куыст. Ам куыд зæгъынц, афтæмæй тæккæ зындæр уыд бæрæггæнæнты бындур саразын, уымæн æмæ дзы æвæрд ис информацийы сæдæгай гигабайты.
Шофыр иу суанг хъусынгæнинаг дæр райсдзæн, зæгъæм, уавæр аивта, уæд. Къуылымпыдзинæдтæ æмæ радтæ йæм къаддæр æнхъæлмæ кæсдзæн, уый та ныридæгæн дæр бæлвырд у. Телеграм-ботæй пайда кæныны æууæлтæ базонæн уыдзæн центры сæрмагонд сайтыл.
